Nazim's poetry

Nazim's poetry

Thursday, June 23, 2011

subh ta shaam sochta huun main

subh ta shaam sochta huun main
sau tere naam sochta huun main

ye jo ek taza aag bharkii hai
is kaa anjaam sochta huun main

saamne hai qalam bhi kaghaz bhi
aur paigham sochta huun main

tujh se is dil kaa jo taalluq hai
us kaa kuch naam sochta huun main

aik shaam-e-firaaq Dhal bhii gayii
phir bhii har shaam sochta huun main

kyaa sabab hai Gham-e-zamaana kaa!
laa zara jaam sochta huun main

ab koi fikr hi nahi Baqi
bas tera naam sochta huun main


No comments:

Post a Comment

Related Posts Plugin for WordPress, Blogger...