jab seena gham se bojhal ho

jab seena gham se bojhal ho
 aur kisi ki yaad aati ho
 tab kamre mein band ho jana
 aur chupke chupke ro lena ....
 jab aankhein baaghi ho jaein
 aur yaad mein meri bhar aaein
 phir khud ko dhoka mat dena
 aur chupke chupke ro lena ....
 jab palkein karb se moondi hon
 aur sub samjhein tum soi ho
 tab moo pe takya rakh lena
 aur chupke chupke ro lena ....
 yeh dunya zalim dunya hai
 yeh baat bohot phelaey gi
 tum saamnay sub k chup rehna
 aur chupke chupke ro lena ....
 jab barish chehra dho daale
 aur ashk bhi boondein lagti hon
 woh lamhay hargiz mat khona
 aur chupke chupke ro lena ....