Wo Insaan Mujh Ko Laga Khobsorat

Wo Insaan Mujh Ko Laga Khobsorat
Jo Pehney Libas-E-Wafa Khobsorat

Jidher Dekhta Hoon Hai Khawbon Ka Manzer
Jo Tum Ho To Saari Fiza Khobsorat

Jo Pocha K Wo Kaisey Lagtey Hain Mujh Ko
To Ghabra K Main Ne Kaha Khobsorat

Jo Pocha Kisi Ne K Kiya Chahta Hoon
To Ik Naam Main Ne Liya Khobsorat

Na Maani Meri Jo Guzarish Ghalat Thi
Ye Inkaar Mujh Ko Laga Khobsorat

Jo Rastey Main Yasir Gira Larkhra Ker
To Ik Haath Mujh Tak Barah Khobsorat